"المعاكسة" واجب وطني على كل....

المعاكسة واجب قومي وحق تجاه اي مزة نازلة الشارع وتاعبة نفسها ومتشيكه وحاطة ميكب ونازلة تقول للأرض اتهدي ما عليكي ادي ... عايزين ايه من الشباب يعني ... مش لازم يشجعوا المنتج المحلي... وكمان لما البنت دي تتعاكس والشباب يقرفها في الشارع اكيد هاتتربى وهاتتعلم الادب وتنزل الشارع بعد كده محترمة .... ماهو لو محترمة والله ما كانش حد قرب ناحيتها .
_______________
بس في مشكلة ...

البنت اللي لبسها كويس ولابسة اسدال كمان او خمار بتتعاكس ليه.؟؟؟.... ايه اللي بتتعاكس ليه ... اكيد ماشية تتمايع وتضحك في الشارع وحاطة ميكب اد كده ....لازم نربيها بردو وتنزل الشارع محترمه ... ساكتة ولا تنطق من اساسه ... مش بقولكم واجب قومي ... بنربي بنات مصر ..._________________
طب واللي ماشية لابسه محترم ولا حاطة ميكب ولا غيره وماشية في حالها لا بتضحك ولا بتتمايع ماشية في حالها ... ...لأه بقى ما هي نازلة الشارع وحدها وقاصدة تتعاكس ايه اللي منزلها الشارع وحدها وهي عارفة الشوارع بقت عاملة ازاي ... ماهي لو محترمة بجد كانت نزلت مع باباها ولا اخوها ولا خطيبها حتى ... دي عايزة تعمل محترمة وتضحك عالشباب وتجيب عريس ... وبردو لازم نبينها على حقيقتها وتتعاكس علشان محدش يفتكرها محترمة ...
_______________
طب واللي نازلة مع اخوها ولا خطيبها ولا حتى جوزها (مش نازلة وحدها اهو) ويطلع لها واحد من ورا خطيبها ولا اخوها بيبصبص ليها كده من ورا ضهر الراجل الغلبان وعمال يشاور ويعمل حركات ويقرفها ... ... يا سلاااااااااااام ومين قاللك ان ده خطيبها ولا اخوها .. تلاقيها الواد اللي ماشية معاه ماهو لو كان خطيبها كان قعد يشوفها في بيتهم .. وانا بعاكسها علشان اعرفهم قيمتهم هما الاتنين علشان يتربوا ويبطلوا صرمحة في الشوارع ... مش بقولك واجب قومي علشان البلد والله.... ___________________

طب واللي واقفه في البلكونه الغلبانه بتنشر ولا بتجيب حاجة بالسبت بيطلع لها ميت واحد من الشارع راصدينها واللي يعاكس واللي يشاور.. الله ما هي قاصداها اهي وطالعة البلكونة علشان الناس تشوفها وتتعاكس .. هي اللي عاوزة تتعاكس من الاساس .. وانا لما بعاكسها بوريها قيمتها اصلا ... هي ايه اللي طلعها البلكونة من الاساس .. تنشر .. هههه دي تلاكيك يا عمنا ... دي عاوزة تتعاكس ... ماهو لو محترمة والله ما كنت هاقرب ناحيتها ..._________________
طب واللي قاعدة في بيتها يا ناس .. ويطلعلها من الشباك اللي عمال يبص ويبحلق فيها ويعاكسها ... شوفت اديك قلت بنفسك ياعم ... هيا اللي فاتحة الشباك علشان الراجل ده يشوفها ويعاكسها ... وتلاقيها كانت بتتمخطر قدامه رايحة جاية ومتشيكه علشان يشوفها ويعاكسها .. هي لو محترمة تفضل في بيتها وتقفل الشبابيك والبلكونات والبيبان كلها وتقعد تحت السرير كمان علشان تبقى بنت محترمة بصحيح ومحدش يشوفها خااااااالص وتدفن نفسها بالمرة..._________________
أسباب مضحكة مش كده؟؟
وفي زيها كتييييييير أوي مالهاش أول من آخر
يمكن يكون في ناس فعلا مقتنعين بيها وبيعاكسوا كواجب وطني لتأديب البنات واصلاح حالهم
______________
وانت لو شفت واحد بيعاكس واحدة
ها تقول: قلة أدب!!
أو حتى ها تروح تتخانق معاه
عادي.. أي حد في مكانك ها يعمل كده
_____________
لكن مفيش مرة حد سأل عن السبب الحقيقي للمعاكسة
السبب اللي بجد..
مش التهييس الل انا قولته من شوية دا
______________
هل هو فعلا حب من أول نظرة؟؟
أم اعجاب بجمال البنت ولبسها وماكياجها؟؟
أو مجرد غلاسة يتسلى بيها الشباب (وخاصة العاطلين عن العمل)؟؟
_________________
أنا عن نفسي أرجح الرأي الأخير
أنتو ايه رأيكم؟؟؟

بص يا اسلااام الغلط من الطرفين
ما احنا لما بنقول للبنت الغلط منك بتقول دى حرية شخصية
والولد لما نقوله انت الغلطاااان بيقولك وانا اعمل ايه غير كده وهما ينزلوا الشارع ليه اصلاااااااااااا
يعنى البنت تنزل من غير هدوم و حطا كيلو ميكاب وتقول حرية شخصية والولد يقول مش زمبى
يعنى غباااااااااء
وبجد والله يا اسلام انا شفت واحد رخم بيعاكس وحدة مقبة و مشية بجد فى غاية الاحترام و ده بيقولها ايه تصورررررر ؟؟؟؟؟؟ بيقولها منقبة بقه مش منقبة هتتعكسى يعنى هتتعكسى
حاجة تغيظ بجد
وانا مرة نزلة مع اخويا الصبح واحد غتت جه بيقول لاخويا هابى فلنتين داى <عيد حب سعيد >
طب قولى والنبى ارد عليه اقوله ايه ده
ميرسى جدااااااااااااا يا اسلاااااااااام

العفو يا جميل
ونورتي التوبيك

مشكور يا اسلام على الموضوع الحلو دا
وانا رأيي هو الاختيار التاني
اعجاب بجمال البنت ولبسها وماكياجها

أو مجرد غلاسة يتسلى بيها الشباب (وخاصة العاطلين عن العمل)؟؟

هوه ده راى بصرااااااااااااااحة
وميرسى على التوبيك مرة تانية

انا اختار الاختيار التاني
اعجاب بجمال البنت ولبسها وماكياجها

طيب ده كان رأى الشباب اقول انا بقي رأيي
انا شايفة ان هما الاختيارين الاولانييين يعنى اعجاب بجمال البينت ولبسها وماكياجها واوقات بتبقي غلاسة وتسلية مش اكتر
شكرا يا اسلام علي التوبيك الجميل ده

تسلمو يا شباب ع المرور